O concelleiro de Obras Urbanas do Concello de Pontevedra, Demetrio Gómez, mantivo este venres unha reunión con representantes de diversos colectivos de comerciantes, empresarios e hostaleiros que mostraron as súas inquietudes con respecto das medidas anticovid que o goberno local implantou na contorna do IES Sánchez Cantón.
Os asistentes, entre os que estaban representantes da Cámara de Comercio, de AJE, dos comercios de Raíña Vitoria, de Aempe e da Asociación de Hostaleiros; mostraron o seu total rexeitamento á decisión do Concello. Por iso comunicaron ao concelleiro que iniciarán unha campaña para reverter a situación e ofreceron unha solución consistente no peche de Palamios.
Pola súa banda, Demetrio Gómez ofreceulles a realización dun estudo específico do tráfico no ámbito do instituto para analizar en profundidade o funcionamento da medida e valorar a necesidade de adoptar outras accións complementarias, algo co que os afectados tampouco están de acordo.
Engade Pontevedra Viva como fonte preferida de Google de balde
Mantente informado coas últimas noticias de actualidade.