Con motivo das próximas vacacións escolares e as necesidades de conciliación que se expoñen nas familias, o Concello de Cuntis anuncia a apertura do prazo de inscricións no programa Cuntilín Nadal.
A iniciativa está dirixida a nenos e nenas desde tres ata os doce anos. As actividades desenvolveranse os días 23, 28, 29 e 30 de decembro; así como os días 4, 5 e 7 de xaneiro. O horario é de 09.00 a 14.00 horas e o lugar o CPI Don Aurelio.
Poden anotarse tanto aos menores que participan durante o resto do ano no programa Cuntilín, como a aqueles que non tomasen parte; pero nese caso é necesario formalizar a inscrición.
Desde este venres 18 xa poden facelo nas oficinas do Concello de Cuntis.