A empresa Ence negou este venres estar "a promover" as protestas realizadas polos seus traballadores en Pontevedra, que onte protagonizaron un violento escrache contra o alcalde da cidade e varios membros do seu goberno.
Nun comunicado, a compañía desvincúlase "tallantemente" destas mobilizacións e manifesta a súa "disposición" ao diálogo coas diferentes administracións.
A pesar diso, Ence insiste en que non existe ningunha localización alternativa que sexa "viable" para trasladar a súa fábrica de Pontevedra.
Entenden que este traslado non sería posible nin desde o punto de vista técnico, ao ter que estar preto dun porto, ter auga nas proximidades e acceso a madeira, nin desde o punto de vista económico ante o custo que tería esta operación.
Ence cifra nuns 700 millóns de euros o investimento necesario para construír unha nova planta en Galicia.
A compañía entende, por tanto, que non existe ningún lugar "en toda a comunidade galega" que permita recolocar a súa produción.