O chupinazo do lanzamento do foguete desde o balcón da Casa do Concello de Poio marcou este xoves o inicio das festas patronais de San Xoán.
Previamente Rodrigo Cota leu o seu pregón no que lembrou a súa etapa como veciño de Poio, con multitude de anécdotas persoais e loubanzas ao municipio, especialmente a Campelo, aínda que os asistentes a este discurso pouco caso fixéronlle o que levou ao pregoeiro para reprocharlles "non me estades facendo nin puto caso" o que provocou a risa e o aplauso do público.
O acto tamén incluíu a entrega dos premios Deportes 2023 e a estrea dunha danza branca e unha contradanza para iniciar unha tradición que teñen moitos municipios e aproveitar pezas como a Muiñeira de Poio e a Foliada de Campelo.
De maneira improvisada, o arranque das festas tamén serviu como un acto de homenaxe popular ao alcalde saínte de Poio, Luciano Sobral ‘Nito’ que recibiu emocionado este agarimo dos seus veciños.
O alcalde Ángel Moldes animou a gozar destas festas con “sentidiño” e a participar en toda a programación que terá como acto central as fogueiras da noite deste venres.