O Entroido de Cobres volveu a demostrar que non hai nada que poida paralo.
Unha vez máis, a mocidade fíxose forte fronte ás inclemencias meteorolóxicas, e decidiu manter o programa previsto a pesar da choiva continua.
A Asociación Cultural Cobres adquiriu chuvasqueiros transparentes para preservar os traxes, auténticas pezas de artesanía que forman parte do patrimonio inmaterial galego, sen renunciar á esencia visual de madamas e galáns.
O programa, a pesar do mal tempo, "manterase tal e como estaba previsto".
Ao Luns de Maghachos ten un toque musical coa verbena nocturna a cargo da Orquestra Magos e o Trío La Noche, continuando o martes coa sesión vermú do mediodía co Dúo Los Dinámicos.
A xornada estará acompañada de polbo, churrasco e gastronomía tradicional baixo a carpa, xogos populares pola tarde, e a Corrida do Galo presentada por Isi da TVG e Marci Varela. A Queima do Galo volverá ser o acto central do día, seguido da actuación da Fanfarria Furruxa e de DJ Gabry.
O Concello de Vilaboa reforza este ano o posto oficial de merchandising, con artigos como sudaderas, camisetas, botellas reutilizables, mochilas, tote bags, gorras, imáns, calcetíns e pulseiras, todos deseñados coas cores e símbolos característicos das madamas e galanes.
Esta iniciativa busca reforzar o espírito do Entroido máis aló das datas festivas. "Non se trata só de adquirir un obxecto, senón de conservar unha parte da esencia que envolve a tradición centenaria", aseguran desde o Concello.
Cobres reafirma que a súa festa non depende do tempo, senón da vontade da xente que a sostén e que "non está disposta a deixar que nada lle quite o Entroido".
Engade Pontevedra Viva como fonte preferida de Google de balde
Mantente informado coas últimas noticias de actualidade.