A Deputación de Pontevedra achega a compostaxe aos colexios a través de actividades lúdicas que se están celebrando estes días nos colexios San Martiño de Salcedo, Santo André de Xeve e Virxe Milagrosa de Bueu co obxectivo de dar a coñecer o programa Revitaliza do ente provincial e inculcar a importancia da reciclaxe aos escolares.
A través de divertidos xogos, alumnos de Educación Primaria e Infantil destes centros implícanse na compostaxe para alcanzar un cambio de actitudes e adquirir responsabilidades á hora de separar os residuos orgánicos no fogar.
Ademais, estas actividades serven para informar sobre a importancia da compostaxe como alternativa máis económica e ecolóxica que outros tratamentos actuais de residuos.