A concellería de Igualdade de Pontevedra puxo en marcha unha nova edición dos premios Ernestina Otero, cos que tenta incorporar a perspectiva de xénero nos traballos de fin de grao e master dos universitarios galegos.
Os traballos presentados deben ter sido defendidos ao longo do curso 2015-2016, coa temática de "fomento da igualdade entre homes e mulleres, facilitando a sensibilización e a participación de toda a cidadanía".
Concederanse catro premios para as dúas categorías: dous premios para os mellores traballos de fin de grao cunha recompensa de 1.000 euros, e outros dous premios para os traballos de fin de master.
Serán premiados os proxectos que incorporen a perspectiva de xénero promovendo accións que fomenten a igualdade entre homes e mulleres.