Cae do primeiro cartel da Feira taurina da Peregrina o triunfador da tempada, Roca Rey. O matador peruano reaparecía o pasado venres 4 na feira das Colombinas de Huelva tras un parón obrigado polo contratempo sufrido o 25 de xullo de Santander. Unha reaparición que concluíu con dúas cornadas.
A pesar de senllos incidentes Andrés Roca mantivo a súa participación ao día seguinte na praza de El Puerto. Foi nesta segunda cita onde volveu ser empitonado no segundo touro da tarde. Segundo o parte médico "cornada de 18 centímetros de lonxitude en terzo medio, cara interna de traxectoria ascendente subcutáneo. Contusiona múscula interno gemelar".
Con esta lesión Roca pechou a súa intervención na praza de El Puerto, conseguindo ademais dous apéndices, pero non foi posible manter a axenda prevista para completar esta malograda semana.
Unha vez que se tivo coñecemento da situación, desde a praza de touros de Pontevedra comezáronse as xestións con diferentes matadores para substituír a Roca Rey e que finalmente deron como resultado o acordo con Daniel Luque, que está a manter unha reseñable e constante tempada. O destro sevillano atópase nun óptimo momento da súa carreira, conseguindo destacados triunfo en múltiples tardes nas que leva participado.
Engade Pontevedra Viva como fonte preferida de Google de balde
Mantente informado coas últimas noticias de actualidade.