O Servizo de Emerxencias do Concello de Cambados actuou este mércores en dous accidentes de tráfico con feridos.
O primeiro sinistro tivo lugar na estrada provincial EP-9501, en Ribadumia.
O condutor da furgoneta, con iniciais J.L.A.O. de 22 anos de idade e veciño de Cambados, foi evacuado ao PAC de Cambados e posteriormente derivado ao Hospital do Salnés pola ambulancia do 061 con dor cervical.
O segundo sinistro ocorreu na parroquia cambadense de Corbillón na estrada provincial EP-9005 á altura de As Laxes.
O condutor do ciclomotor, un mozo de 17 anos e veciño de Cambados, foi evacuado en ambulancia polo 061 ao Hospital do Salnés con dor cervical, torácico e lumbar. O acompañante non quixo asistencia sanitaria.