Continúan as actividades en O Ganapán, o espazo infantil situado no primeiro piso do Mercado de Abastos. Este sábado, os máis pequenos desenvolveron actividades relacionadas coas posibilidades que existen de cambiar o mundo cara a unha versión mellor.
Este espazo busca facilitar a conciliación familiar das persoas que traballan na praza de abastos do mesmo xeito que fomentar a presenza da clientela familiar achegando actividades lúdicas e didácticas, con propostas artísticas, gastronómicas, medio ambientais, musicais ou literarias.
Esta iniciativa foi escollida polo Ministerio de Educación e Cultura como proxecto-modelo dentro do Terceiro Encontro de Cultura e Cidadanía 2017, entre máis de 200 propostas realizadas desde todo o territorio do Estado.