O próximo sábado 12 de abril, o colectivo de propietarios de mascotas 'Por un parque digno para cans' volverá desenvolver unha marcha protesta na rúa, a partir das 18.00 horas, dende o Parque de Campolongo ata a Praza de España, onde os donos se concentrarán con bozos, correas e colares dos seus animais.
O colectivo segue queixándose de "unha aplicación fraudulenta" da lei de protección animal dende principios de marzo, que relación co "afán recadatorio do Concello". Afirman que son multados porque os seus cans xogan en zonas verdes e se queixan de que se vexan obrigados a levar ás mascotas "todo o día atados e con bozo". Sinalan que non hai espazos habilitados abondo e denuncian as condicións do canil da Xunqueira de Alba.
Dende o colectivo móstranse molestos porque non recibiron resposta por parte do Goberno local, tras solicitarlle unha reunión para establecer unha mesa de negociación que permita resolver esta problemática.
Ademais, 'Por un parque digno para cans' volve denunciar que esta semana volveron localizar salchichas con alfinetes no descampado de Joaquín Costa, onde membros desta asociación pasean os seus animais de compañía.
Engade Pontevedra Viva como fonte preferida de Google de balde
Mantente informado coas últimas noticias de actualidade.