Tras amosar o seu apoio aos veciños de Médico Ballina durante a concentración convocada o pasado sábado, o grupo municipal do Partido Popular vén de presentar este luns unha moción coa que urxen ao goberno local construír o parque infantil prometido na zona, facendo uso da totalidade dos terreos sobre a cuberta do tren cedidos por Adif en marzo de 2016.
Concretamente, os populares esixen que se faga uso dos máis de 2.600 metros cadrados dos que consta a cesión.
Os populares lembran que despois de anos de reclamacións veciñais, por fin en novembro de 2015, o BNG comprometeuse en asemblea veciñal aberta a crear un parque infantil e facer uso da totalidade dos terreos sobre a falsa cuberta da vía do tren ao seu paso por Médico Ballina.
Incluso chegaron a asegurar que xa contaban cun proxecto municipal, pero que non poderían comezar as obras ata que ADIF cedese os terreos.
A cesión formal fíxose efectiva en marzo de 2016 "e descubriuse que era todo unha mentira para gañar tempo", dixo o concelleiro do PP, César Abal.