A Asociación Cultural Os Trazantes de Tenorio está de parabén, tras ser premiada no XLI Concurso de Baile Tradicional Xacarandaina, celebrado non Palacio da Ópera da Coruña.
A agrupación de Cerdedo-Cotobade foi recoñecida co premio ao mellor vestiario. Fíxoo lucindo na Coruña os seus vistosos traxes e como recompensa ao esforzo por conservar as tradicións da maneira máis fiel posible.
No concurso de baile tradicional participaron ata 35 agrupacións de toda Galicia.
Nestes prestixiosos premios foron galardoados ademais os grupos Garrucha (Santaia), Papoula (Xacarandaina), A Mámoa de Luou e a Escola de Cantigas e Agarimos, entre outros.