Ao narcotraficante Laureano Oubiña molestoulle unha escena da serie televisiva "Fariña" e desde a súa contorna comunicaron que podería denunciar ao produtora Bambú Producciones e a Atresmedia.
O enfado do cambadés procede da primeira aparición do personaxe en pantalla, interpretado polo actor arousán Carlos Blanco, na que se recolle unha escena de sexo.
Tal e como avanzou El Correo Gallego, estas fontes avanzan que a próxima semana Oubiña remitirá un requirimento a Bambú Producciones, para advertirlles que se vulnerou o seu dereito á imaxe e á intimidade e en consecuencia, estudará reclamar unha indemnización pola vía civil.
Por este mesmo motivo, Oubiña tamén pediu os seus avogados que estuden accións legais contra a editorial 'Libros do KO' que publicou a obra "Fariña" de Nacho Carretero, na que está baseada a propia serie.