O programa Augaventura regresa co comezo do curso para convidar á comunidade universitaria a practicar deportes acuáticos na contorna natural.
A iniciativa ofrece durante os meses de outubro e novembro sesións de flyboard; descenso de rápidos; unha ruta á illa de San Simón que combina caiac, andaina e snorkel; surf; wakeboard; windsurf e mergullo que será a primeira actividade do calendario e que conta con dúas datas para elixir: 14 e 28 de outubro e o escenario serán as illas Cíes.
O obxectivo do programa é facilitar que os membros da comunidade universitaria se inicien na practica de deportes acuáticos que requiren de certo equipamento para a súa práctica.
A inscrición está aberta a través de Campus Activo.