Operarios municipais e membros da organización afánanse en decorar as rúas e prazas de Ponte Caldelas ante a inminente Festa da Batalla e a Feira Antiga do Camiño dos Arrieiros.
Os actos concentraranse na xornada do domingo 24 de agosto, momento no que os veciños de Ponte Caldelas retrocederán a principios do século XIX para conter as tropas de Napoleón.
A recreación histórica da batalla contra os franceses arrancará ás 13:00 horas coa participación de máis de 200 persoas ataviadas con traxes de soldados franceses e Alarmas galegas. Armas de fogo e salvas de canóns achegarán vistosidade ao enfrontamento.
En canto conclúa a batalla preto de 400 comensais participarán nos xantares organizados a beiras do río Verdugo.
Para completar a xornada, dende as 11:00 horas abrirase o posto da Feira Antiga do Camiño dos Arrieiros, e ás 19:00 horas terá lugar unha exhibición de doma a cargo do Club Hípica Amazonas da Insua nun terreo situado xunto ao paseo do río.