Pontevedra espanta o meigallo co lume de San Xoán

Adeus aos malos espíritos e vibras. En Pontevedra non quedou meigallo sen espantar tras a celebración da noite de San Xoán.

Esta vez non había festivo o día 24 non coincidía en fin de semana, pero os pontevedreses non quixeron perder a noite máis curta e máxica do ano cumprindo cunha tradición ancestral, a das fogueiras.

Até 152 cacharelas, entre públicas e privadas, estaban autorizadas na Boa Vila, en todas e cada unha das parroquias pero tamén no centro urbano.

Solicitaran permiso para celebralas asociacións de veciños como a de Eduardo Pondal, Salcedo Norte, O Miradoiro de Monte Porreiro, A Piolla e Ponte Muiños, ademais das entidades Casino Mercantil e Industrial de Pontevedra e Amigos do Camiño Portugués.

No caso urbano, ademais da celebrada xunto ao Local de Música polos veciños de Eduardo Pondal, destacou pola súa afluencia a Foliada Lume Novo organizado polo Centro Social A Pedreira nos antigos terreos de Tafisa.

Música popular, sardiñas, chourizos e un gran 'lumeiro' atraeron a moitos veciños para gozar da noite á beira do río Lérez.

Até o clima respectou o San Xoán, aguantando a ameaza de tormenta até ben entrada a madrugada.

Ao final o ceo terminou ao redor das 3.00 horas, cando a celebración xa tocaba ao seu fin. Unha auga que sorprendeu aínda a algún pero que axudou a apagar de maneira natural os restos de fogueiras, botando un 'cable' ao traballo de control habitual dos Bombeiros de Pontevedra.