O colectivo de traballadores sanitarios Prosagal concentrábase este luns 9 ás 18.00 horas na porta do servizo de Urxencias no Hospital Montecelo.
Prosagal denuncia con esta concentración o peche de camas e de unidades tanto en Montecelo como noutros centros da área sanitaria norte de Pontevedra.
Con esta concentración informan a usuarios dos hospitais das consecuencias do peche de camas durante o verán que, segundo este colectivo, continúa mantendo en outubro o xerente do Complexo Hospitalario de Pontevedra, José Ramón Gómez. Sinalan que os pacientes deben esperar no servizo de Urxencias ao non atoparse abertas as camas que lle corresponden en planta.
Desde Prosagal denuncian que continúa o colapso en Urxencias porque a xerencia quere evitar a contratación de persoal para abrir unidades que, actualmente, permanecen pechadas.