Até sete novas actuacións prevé iniciar o Concello de Sanxenxo en setembro.
Estas obras, todas elas de gran relevancia, están xa adxudicadas, pero o goberno municipal quixo atrasar o seu inicio para non interferir na actividade turística.
É o caso, por exemplo, da humanización dos núcleos rurais de Aios (674.000 euros), que ten un prazo de execución de cinco meses; e de Padriñán (450.000 euros), cuxa realización está prevista en catro meses.
A eles súmanse a segunda fase do mercado (5,34 millóns), que necesitará dezaseis meses; e o sendeiro polas rocas que conecta Silgar e o parque de punta Vicaño e a substitución da pasarela de Baltar (1,8 millóns), que vai requirir de cinco meses.
A maiores destas actuacións, están previstas outro tres de menor orzamento.
Son a pérgola das bancadas do campo de futbol municipal de Baltar (60.000 euros), a instalación das bancadas no pavillón de deportes de Nantes (69.000 euros) e a mellora do acceso a Peai, en Gondar (63.000 euros).
Doutra banda, hai outros proxectos recentemente acabados ou pendentes de pequenos detalles, como a segunda fase de do empedrado de Silgar e as melloras do paseo ou as humanizacións da contorna da capela de Arra e do pavillón de Baltar.
É o caso tamén da rehabilitación da Telleira, as melloras dos campos de fútbol de Noalla, O Revel e Baltar e a reforma do antigo colexio O Cruceiro, agora denominado edificio socio educativo As Lagoas e ao que só lle falta o mobiliario.
Outras dúas actuacións máis en marcha, pola súa banda, continuarán o ritmo previsto xa que non interferen na actividade turística: a reforma integral do edificio de usos múltiples de Portonovo e a humanización do camiño do Castro en Dorrón.
Engade Pontevedra Viva como fonte preferida de Google de balde
Mantente informado coas últimas noticias de actualidade.