No 2012, hai oito anos, caducou o carné de conducir dun home de 87 anos que foi identificado pola Policía Local de Poio por provocar un accidente sen feridos en San Salvador.
O accidente rexistrouse esta mañá nas inmediacións do Pazo Besada, segundo informa a Policía Local.
O octoxenario saltou un stop e causou o sinistro.
A Policía Local vaino propoñer para unha revisión extraordinaria, ante a sospeita de que poida ter as aptitudes psicofísicas mermadas e, polo tanto, que non tería capacidade para conducir.