Unha nova avaría na rede de subministración eléctrica afectou este domingo a total de 850 clientes de Naturgy das parroquias pontevedresas de Marcón, Mourente e Tomeza, que estiveron sen luz durante 45 minutos.
Segundo a información recollida por Unión Fenosa Distribución, a incidencia rexistrouse ás 18.43 horas deste domingo e quedou resolta ás 19.26 horas, isto é, o apagon solucionouse 43 minutos despois.
Os clientes afectados polo corte de luz puxéronse en contacto coa compañía distribuidora, que lles explicou que a orixe da incidencia era unha avaría localizada na parroquia de Mourente, segundo puido saber PontevedraViva.
Esta avaría súmase ás rexistradas nas últimas semanas en diversos puntos do termo municipal de Pontevedra, que se cebaron de forma especial co centro histórico, pero tamén deixaron problemas de subministración en varias parroquias, como Campañó, xerando unha indignación crecente entre a poboación.