A asociación Vaipolorío iniciou este domingo novos traballos no río Gafos, nesta ocasión centrados na limpeza e inventario do patrimonio etnográfico do tramo rural do río.
Cinco persoas apuntáronse a esta primeira xornada. Nesta ocasión estiveron a limpar a ponte da Condesa, no límite entre Tomeza e Salcedo, o muíño de Cabanas, na parroquia de Salcedo, así como na súa zona empedrada.
Os traballos limitáronse a retirar a vexetación xa que os membros de Vaipolorío non están autorizados a acometer a restauración destes elementos etnográficos.
Ademais aproveitouse a saída para inventariar o muíño de Toxal e a ponte de Ansuíña, en Bértola.