O Salón do Libro programa tres matinés de cinema familiar
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
No marco do XXV Salón Internacional do Libro Infantil e Xuvenil terán lugar tres matinés de cinema familiar das que se poderá gozar os domingos 3, 10 e 17 ás 12:00 horas no Teatro Principal.
Neste caso, o acceso é libre e de balde ata completar cabida.
O domingo 3 proxectarase 'Mironins' (Mikel Mas Bilbao e Txesco Montalt, 2021), un divertido achegamento para as crianzas máis pequenas da casa ao imaxinario do pintor catalán Joan Miró.
O domingo 10 será a quenda de 'A viaxe de Ernest e Celestine' (Jean-Christophe Roger e Julien Chheng, 2022), baseado na serie de libros infantís da autora e ilustradora belga Gabrielle Vincent.
Por último, o domingo 17 poderase ver o clásico de Hayao Miyazaki: 'Nicky, A aprendiz de bruxa' (1989).