Aprobar a nova RPT municipal, segundo Lores, obrigaría a subir os impostos: "Non é asumible"
Por Alejandro Espiño
O alcalde de Pontevedra, Miguel Anxo Fernández Lores, saíu este xoves ao paso das críticas recibidas polo goberno municipal, por parte dos sindicatos do Concello -co apoio de PP e PSOE-, pola súa negativa a renovar a relación de postos de traballo (RPT).
Fernández Lores sostén que esta pretensión supoñería unha subida "encuberta e xeralizada" dun 10% para todos os traballadores municipais, que sería "ilegal", segundo o rexedor.
Lembrou que "se aprobe ou non" o orzamento municipal para 2024, o salario dos funcionarios do Concello aumentará un 9,5% -sumando os tres últimos anos-, o máximo que permite o acordo asinado polo Goberno central e os sindicatos
Incrementar ese 10% de soldo a maiores, que é o que segundo Lores custaríalle ás arcas municipais as peticións sindicais para esta nova RPT, supoñería un aumento próximo aos 3 millóns de euros anuais na partida dedicada a persoal.
Esa subida, nas actuais condicións económicas, "non é asumible", reiterou o alcalde pontevedrés, xa que "significaría obrigatoriamente" a aprobar unha subida de impostos, entre elas un 20% máis no IBI ou un 70% no imposto de circulación, é dicir, a viñeta.
"Enmascaran a subida na RPT", sostivo Fernández Lores, que considera "lexítimo" que os sindicatos "queiran mellorar as condicións laborais" de todos os traballadores municipais, pero "cando non pode ser é imposible", engadiu.
O alcalde reiterou que "eu non vou a subir os impostos en base a peticións que están fóra de lugar", aínda que se mostra disposto a negociar cos sindicatos outro tipo de melloras, como o reforzo en determinados servizos municipais que están saturados de traballo.
Moito máis crítico foi Miguel Anxo Fernández Lores cos partidos da oposición, PP e PSOE, aos que acusou de ser "pouco serios" e de actuar con "hipocresía" porque non expoñen este mesmo aumento nas administracións nas que eles gobernan.
"Hai que saca a lingua a paseo cando están na oposición e no goberno non fan absolutamente nada", sentenciou Fernández Lores, que acepta que "teremos que aguantar o chorreo" por non aprobar unha subida xeneralizada dos salarios "expresamente prohibida" pola lei.
Relacionadas:
-
Os tribunais avalan a modificación da RPT realizada polo Concello en 2022
Por Alejandro Espiño |
-
Concentración dos traballadores municipais diante do Concello para reclamar "diálogo e respecto"
Por Almu Dapena |
-
A oposición recorda ao BNG a súa "minoría absoluta" e censura a súa "prepotencia, arrogancia e falta de diálogo"
Por Alejandro Espiño & Mónica Patxot |
-
Un orzamento de 94,7 millóns para 2024 para o que Lores pide "responsabilidade" á oposición
Por Alejandro Espiño |
-
O Xulgado dá a razón a CCOO ao reclamar a indemnización a un policía local por asistir como testemuña a tres xuízos
Por Redacción |
-
Pontevedra segue a ser a poboación máis nova de Galicia
Por Oskar Viéitez |
-
O PSOE advirte o BNG de que considera "prioritario" para aprobar o orzamento que inclúa unha partida para a RPT
Por Anxo Lourido |
-
O PP demandará no pleno unha partida orzamentaria destinada a mellorar as condicións do persoal do Concello
Por Mónica Patxot & Anxo Lourido |