Un helicóptero rescata tres pontevedreses atrapados en Picos de Europa
Por Natalia Puga
Tres pontevedreses de entre 50 e 58 anos tiveron que ser rescatados este venres por un helicóptero nos Picos de Europa en Cantabria.
Segundo a información facilitada polo 112 de Cantabria, trátase de dous homes de 58 e 51 anos e unha muller de 50, todos eles de Pontevedra, e os tres atópanse en bo estado.
Os tres quedaran enriscados ao chegar á aresta de Peña Regaliz e tiveron que ser rescatados por aire.
O equipo do helicóptero do Goberno de Cantabria aterrou nunha zona próxima e rescatou os tres en bo estado.