O GALP Ría de Pontevedra inxecta máis de 700.000 euros a proxectos de pesca e turismo
Por Oskar Viéitez
O Grupo de Acción Local do Sector Pesqueiro (GALP) Ría de Pontevedra aprobou axudas a 8 proxectos de impacto local por 706.603 euros, enmarcadas na Estratexia de Desenvolvemento Local Participativo (EDLP) e financiadas polo Fondo Europeo Marítimo, da Pesca e da Acuicultura (FEMPA).
A meirande parte dos proxectos corresponden ao sector pesqueiro. Polo lado da innovación destacan o proxecto dun novo laboratorio de I+D+i para Salmoira S.L. e o proxecto da Lonxa de Campelo que inclúe o deseño de novos equipamentos para o coidado do banco marisqueiro.
Tamén se financian melloras na infraestrutura de Safricope e o impulso da trazabilidade en Corte Mar Pescaderías e plans de mellora para a Confraría de Bueu, así como iniciativas culturais e deportivas que promoven a cohesión comunitaria e a identidade local.
Ademais destas iniciativas, o GALP Ría de Pontevedra apoia proxectos como o promovido por Jale Turismo S.L. que obtivo unha subvención para transformar un edificio en Banda do Río en sete apartamentos turísticos. A empresa ten previsto realizar un investimento de 355.800 euros. O proxecto 'Botón Marinero' pretende potenciar o turismo sostible, amosando a cultura mariñeira local e atraendo visitantes durante todo o ano.
As axudas están dispoñibles non só para pequenas e medianas empresas, senón tamén para traballadores autónomos e entidades sen ánimo de lucro que cumpran cos requisitos establecidos.
Relacionadas:
-
A Xunta está a recoller datos para a solicitude de zona catastrófica para as rías afectadas pola alta mortaldade do marisco
Por Oskar Viéitez |
-
Petición de medidas urxentes á Xunta ante o "imparable descenso" de produción de ameixa e berberecho en Galicia
Por Anxo Lourido |
-
Agridoce regreso ao mar das mariscadoras, con dificultade para lograr a cota e preocupación para Nadal
Por Natalia Puga |
-
Desesperación na confraría de Lourizán pola elevada mortaldade de marisco provocada por Domingos
Por Mónica Patxot & Anxo Lourido |