A Policía Nacional forma o persoal sanitario en manexo do paciente conflitivo
Por Redacción
A Policía Nacional e o Hospital do Salnés colaboran para formar ao persoal sanitario en estratexias e manexo do paciente conflitivo.
Esta colaboración forma parte do protocolo de agresións no ámbito sanitario e, como parte da mesma, axentes da Comisaría Local de Vilagarcía de Arousa están a levar a cabo unha serie de charlas.
A charla inaugural impartírona axentes da área de Participación Cidadá da Comisaría de Vilagarcía en presenza dos responsables do hospital e do xefe da Comisaría.
Os responsables de policial e sanitario dirixiron unhas palabras aos presentes, persoal sanitario de diferentes servizos do Hospital, e manifestaron o propósito de repetir a actividade formativa en próximas ocasións debido a que tivo excelente acollida.