O PP aproba o orzamento de 14,7 millóns de euros para o 2024 en Poio
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O orzamento de 14,7 millóns de euros para o ano 2024 aprobábase, cos votos do grupo municipal do PP, nunha intensa sesión plenaria transcorrida durante a noite do mércores no Concello de Poio.
O alcalde Ángel Moldes defendeu este documento baseándose en que o orzamento se centra no benestar e na atención das persoas, con mellora da calidade dos servizos públicos e optimización dos recursos económicos dos que dispón o Concello co obxectivo de reducir a "importante débeda" na que se atopan as arcas municipais.
Moldes definiu o orzamento como "realista, responsable e prudente", ademais afirmou que é de "transición" ao estar condicionado pola situación económica actual do Concello: "débense moitos cartos a moitas persoas". Indicou que supón un "cambio de rumbo" para avanzar, sen cargas, apostando por servizos públicos de calidade.
Afeou á oposición a "irresponsabilidade de criticar un préstamo destinado a saldar as débedas que deixou o Tripartito" con autónomos e pequenos empresarios.
Os grupos da oposición rexeitaron o documento do grupo de goberno.
O PSdeG-PSOE afirma que ou goberno de Ángel Moldes aproba un orzamento "con máis gasto en asesores e soldos e menos pensado para a veciñanza. Aseguran que non apoiarán unhas contas deseñadas "única e exculsivamente para o lucimento do alcalde" disparando a débeda coa contratación a dedo dun novo asesor.
Segundo indicou Gregorio Agís, portavoz socialista, a partida de 2024 apenas contará con investimentos propios. Indican que o documento confirma "a incapacidade do goberno do PP de lograr fondos europeos".
Pola súa banda, Marga Caldas, portavoz do grupo municipal do BNG, indicou que o orzamento de Moldes era o mesmo que presentaba o goberno anterior e que o agora alcalde criticaba cando era portavoz da oposición. Ademais criticou que as partidas seguen a subir a débeda do municipio sen investimentos.
Durante a sesión tamén se aprobaba a rebaixa nun 5% o imposto de circulación e a taxa dos vaos. Segundo o rexedor, os impostos que aínda non se rebaixan, conxélanse sen, por tanto, aplicar a subida do IPC.
Todo o pleno está dispoñible na canle de Youtube do Concello de Poio.
Relacionadas:
-
Cochón acusa o PSOE de Poio de mentir e argumenta que o goberno local respondeu aos requerimentos do IDAE
Por Redacción |
-
Cochón, do PP de Poio: "As emendas do BNG aos orzamentos son unha falta de respecto aos veciños de Poio"
Por Redacción |
-
O BNG de Poio destaca o "espírito construtivo" das emendas que presenta aos orzamentos municipais
Por Redacción |
-
O PSOE ve "decepcionante" o orzamento de Poio para 2024: "reflicte á perfección as mentiras de Ángel Moldes"
Por Redacción |
-
Convocado o consello veciñal de Poio para participar na elaboración dos orzamentos municipais
Por Redacción |
-
O Concello de Poio baixa un 5% o imposto de circulación e a taxa dos vaos
Por Oskar Viéitez |
-
Poio aprobará dúas modificacións de crédito para pagar a primeira remesa do millón de euros que debe o Concello
Por Oskar Viéitez |