Detido un veciño de Noalla por roubar na sede de Cáritas alimentos destinados a familias necesitadas
Por Oskar Viéitez
Un veciño da localidade de Noalla, de 49 anos, con numerosos antecedentes policiais, foi detido pola Garda Civil como presunto autor dun delito de roubo na sede de Cáritas que a Comunidade de Montes ten situada nesa parroquia sanxenxina.
Segundo a información trasladada pola Garda Civil, os feitos producíronse a finais do pasado mes de decembro, cando o presunto autor, aproveitando a provisión de alimentos en épocas do Nadal que reparte Cáritas, forzou a xanela de acceso ao establecemento para apropiarse de gran cantidade de produtos destinados a familias necesitadas.
As pescudas realizadas, xunto coa inspección ocular practicadas polo Equipo de Investigación da Garda Civil de Sanxenxo, foron determinantes para achegar indicios obxectivos sobre a autoría do feito, que permitiu identificar ao detido nos feitos denunciados.
As dilixencias efectuadas foron trasladadas ao Xulgado de Garda de Cambados #ante o que terá que acudir o detido cando sexa citado para iso, tras ser posto en liberdade en sede policial.