Utilizan un DNI roubado dun mozo de Pontevedra para dar de alta cinco liñas telefónicas
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
Un mozo de Pontevedra denunciou en Comisaría unha suplantación de identidade sufrida tras perder o seu Documento Nacional de Identidade (DNI).
Os axentes da Policía Nacional teñen aberta unha investigación por delitos de usurpación de estado civil e estafa.
A investigación da Policía Nacional comezou cando o mozo presentou unha denuncia na Comisaría de Pontevedra dicindo que co seu número do seu carné alguén dera de alta cinco liñas de teléfono móbil con Vodafone.
O mozo decatouse da situación cando acudiu a unha tenda de Vodafone a facer unha xestión. Entón comunicáronlle que tiña débedas pendentes con esta compañía.
No contrato desas liñas de teléfono aparecía o seu nome e DNI pero a dirección xa non era a da súa casa senón que era unha vivenda do Vao e mesmo figuraba unha dirección de correo electrónica distinta á súa.
Relacionadas:
-
Sufocan un incendio nunha vivenda de Vilagarcía provocado por un deshumidificador
Por Oskar Viéitez |
-
Detido en Pontevedra con 26 gramos de cocaína que ía vender
Por Redacción |
-
Detectan tres billetes falsos de 50 e 20 euros en Pontevedra
Por Redacción |
-
Seis de cada dez centros educativos da provincia de Pontevedra solicitaron charlas das forzas de seguridade
Por Oskar Viéitez |