![](/web/cache/scene/uploads/fotos/foto/de2/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/6454df809b-20230505-patxot-ocio-nocturno-0797.jpg)
© Mónica Patxot
O lecer nocturno nega ter pedido "barra libre" de licenzas senón protexer as vixentes
![Alejandro](/web/cache/scene/uploads/xornalistas/foto/dee/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5624216432-20150128-patxot-alex-espino-002.jpg)
Por Alejandro Espiño
A plataforma Pontevedra de Noite, constituída no ano 2023, alerta de que o sector do lecer nocturno na cidade está "en risco de desaparición" e reclama solucións para que os propietarios deste tipo de negocios non teñan que "baixar a persiana".
Aseguran que "en ningún caso" esta plataforma pediu "barra libre" de licenzas. O que reclamaron, segundo aseguran nun comunicado, é que se tomasen as medidas necesarias para protexer "as xa poucas licenzas de lecer nocturno que quedan".
Isto pasaría, segundo defende o sector, por unha igualdade co resto de negocios da cidade, "que non é outra máis que poder adaptarnos á normativa e ao plano orixinal e continuar coa actividade para a cal temos licenza".
A plataforma afirma estar "en total sintonía" con mellorar as condicións de seguridade, insonorización e accesibilidade "ou todo aquilo que poida ir en beneficio dos veciños e clientes para lograr a harmonía e convivencia que se reclama e na que nós tamén cremos".
"Desgraciadamente ata o momento non parece atoparse outra solución máis que facer baixar a persiana a veciños que co seu diñeiro e esforzo contribuíron da mellor maneira posible a dinamizar a zona e empregar a moitos pontevedreses durante anos", lamentan.
O problema radica, sosteñen os representantes do lecer nocturno, "na imposibilidade de adaptar ou actualizar os nosos locais daquelas imperfeccións que co tempo puidesen ter", para o que instan a que se adopten as medidas pertinentes.
A plataforma lamenta ademais a vinculación que se fixo dos seus negocios con "temas tan graves" como o consumo de heroína ou a inseguridade cidadá.
Defenden que a chegada da actual hostalería foi a que deu unha "nova vida e imaxe" ao centro histórico "erradicando eses problemas antes mencionados". É a mesma zona monumental, denuncian, "na que hoxe 25 anos despois parece que a algúns lles sobra o noso sector".
Relacionadas:
-
Sara Couso, estudante de Dirección e Xestión Pública, elabora un plan de melloras para Zona Monumental
Por Redacción |
-
O centro histórico non volverá á "época negra dos 90", advirte o goberno municipal a PP e PSOE
Por Alejandro Espiño |
-
O goberno local confirma a veciños e comerciantes do centro histórico que non modificará o Peprica
Por Redacción |
-
Mosquera rexeita a posibilidade de converter o centro histórico nun "parque temático" do lecer nocturno
Por Oskar Viéitez |
-
"Non queremos unha guerra co lecer nocturno, pero defenderemos o dereito dos veciños ao descanso"
Por Alejandro Espiño |
-
Pepa Pardo reclama modificar o Peprica ante o "clamor" do lecer nocturno e a hostalería
Por Redacción |
-
O PSOE urxe a modificación da normativa para favorecer a actividade da hostalería do lecer nocturno no centro histórico
Por Oskar Viéitez |