O obradoiro de emprego doa 18 quilos de caballa ao comedor social de Marín
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A especialidade de pesca e acuicultura do Obradoiro de Emprego Concello de Marín I realizou a súa primeira doazón ao comedor social de Marín, coa entrega de 18 quilos de caballa para o seu emprego culinario nos servizos de comedor que ofrecen.
Na entrega estiveron a concelleira de Promoción Económica, Beatriz Rodríguez, e o director do obradoiro de emprego, Óscar Rey.
Ambos matizaron que esta será a primeira das doazóns que se realizará por parte do estudantado do obradoiro.
A concelleira recalcou a importancia que ten impulsar programas coma este, "que conseguen ter varias implicacións na sociedade".
Así, destacou que por unha banda contribúe á formación e inclusión laboral da cidadanía e, por outra, ten unha vertente solidaria "que reforza a Marín como un pobo implicado e no que sempre aproveitaremos os nosos recursos”.