Identifican un veciño de Poio por manipular o contador de auga da súa vivenda de alugueiro
Por Redacción
Un veciño de Poio foi acusado de fraude no contador de auga da vivenda que ten en alugueiro.
A Policía Local de Poio acudiu ao domicilio desta persoa, na parroquia de San Salvador, a requirimento do propietario do inmoble.
Unha vez alí e acompañados de técnicos de Viaqua, os axentes comprobaron como na vivenda instaláronse mecanismos para alterar a medición dos contadores, de maneira que non se contabilizaba o paso da auga.
Ao inquilino desta propiedade atribúeselle agora un delito de fraude.
Os feitos foron trasladados ao xulgado, sendo citadas as partes a un xuízo rápido.