Crean unha asociación veciñal en Vilaboa para promover a concentración parcelaria
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/1c9/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/663b5b3cb4-00-mario-dios-y-daniel-maradiellos.jpg)
© Concello de Vilaboa
Un grupo de persoas decidiu constituír a asociación veciñal Concentración de Vilaboa para buscar solucións ao minifundismo que existe no municipio, o incremento de parcelas agrarias improductivas e cunha masa forestal sen explotación sostible.
Mario Dios, presidente da nova asociación, e Daniel Moradiellos, secretario, entenden que a Lei de Mellora dá estrutura territorial agraria de Galicia é un reflexo do que sucede en Vilaboa ao detectar que cada vez hai menos persoas que traballen a terra co consecuente abandono das leiras e do rural.
Para loitar contra isto queren, a través dunha parcelaria, agrupar as terras, tanto agrarias como forestais, para buscar unha maior produtividade da actual para moitos terreos.
Tras manter, porta a porta, encontros veciñais na parroquia de Vilaboa e manter unha sesión informativa no colexio do Toural onde viron o interese veciñal, Mario Dios e Daniel Moradiellos constituíron a asociación con Iovanna Perdiz e Elena Crespo co obxectivo de contactar coas administracións.
Manterán novas xornadas informativas e queren reunirse con responsables da Consellería do Medio Rural para expoñer o proxecto. Piden, ademais, apoio veciñal para poder desenvolver a iniciativa.
O Concello de Vilaboa xa trasladou a súa colaboración. César Poza, alcalde do municipio, entende que esta proposta permitiría unha mellor organización do territorio.