![](/web/cache/scene/uploads/fotos/foto/878/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/664cc02cab-20240521_dia-internacional-te2.jpeg)
© Deputación de Pontevedra
Día internacional do Té con cata-degustación no castelo de Soutomaior
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Con motivo do Día internacional do Té, a Deputación de Pontevedra celebraba este martes 21 no castelo de Soutomaior unha xornada na que persoal da Estación Fitopatolóxica do Areeiro explicaba o proceso de recollida e elaobración do té.
Durante a sesión explicaron o proceso no que se deixan os gromos ao sol para que perdan a humidade e pasen a ser maleables para despois enrolalos de maneira sinxela.
A sesión finalizaba cunha cata-degustación na que as persoas asistentes comprobaron os diferentes sabores desta bebida que se elabora en Areeiro, desde té vermello e negro a té verde.
Durante a sesión lembrouse que a Organización das Nacións Unidas para a Alimentación e Agricultura (FAO) publicaba en 2018 os beneficios do consumo de té na saúde e benestar debido ás propiedades antiinflamatorias e antioxidantes que achega, ademais da contribución que ofrece na perda de peso.
A este evento asistía a deputada de Turismo, Nava Castro, á inauguración e o deputado responsable da Estación Fitopatolóxica do Areeiro, Javier Tourís, a clausúraa.