O BNG de Marín denuncia que o novo regulamento impide levar ao pleno as queixas veciñais
Por Oskar Viéitez
A voceira do grupo municipal do BNG de Marín, Pilar Blanco, lamenta que o novo regulamento aprobado polo goberno local impide levar ao pleno as queixas veciñais, e denuncia que "o PP está a desnaturalizar os plenos impedindo na práctica que os representantes dos veciños poidamos trasladar directamente no pleno as queixas e demandas que nos fan chegar".
A xuízo de Pilar Blanco resulta "esperpéntico, absurdo e sobre todo estéril" relegar os asuntos veciñais no último punto da orde do día ao para que logo se suspenda o pleno antes de que chegue ese apartado.
Esa debe ser a "esencia" das sesións plenarias, entende a voceira nacionalista que pide que se corrixa o regulamento neste sentido para que os plenos "sexan de verdade un instrumento útil para a cidadanía".