![](/web/cache/scene/uploads/fotos/foto/6a5/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5391ca4575-dsc_0548.jpg)
© Guardia Civil de Pontevedra
Tráfico 'caza' a cinco condutores que tiveron un accidente dando positivo en drogas
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Un total de 132 condutores foron 'cazados' por axentes do subsector de Tráfico da Garda Civil de Pontevedra conducindo baixo os efectos das drogas durante o ano 2013. Deles, cinco acababan de verse implicados nun accidente de circulación.
O balance oficial de actividade facilitado pola Garda Civil recolle que o subsector de Tráfico realizou o ano pasado 309 probas de drogas, das que 282 se corresponden con controis preventivos, seis con accidentes de circulación e 21 realizáronse tras detectar que un condutor cometía unha infracción.
Dos narcotest realizados por infracción, 18 deron postivo e dos 282 practicados en controis habituais con carácter preventivo, deron un resultado positivo 109. En canto ás substancias estupefacientes detectadas nos controis positivos, a máis frecuente foi a cocaína (83 casos), seguida dos opioides (75) e o cannabis (46).
Por idade, a maior parte dos casos positivos detectáronse nos condutores con idades comprendidas entre 35 e 44 anos, cun 35,61% de casos positivos sobre do total. Ségueno, cun 31,82%, os condutores entre 45 e 54 anos e, cun 24,24%, os comprendidos entre os 25 e 34 anos. Os condutores de entre 15 e 24 anos deron catro positivos, isto é, o 3,03% do total.