O restaurante do Museo levará o nome de 'Miliarium'
Por Diego Espiño
A Deputación aprobou este venres o prego de condicións para a licitación pública da explotación da cafetaría-restaurante do Museo de Pontevedra, unha instalación que estará situada no edificio Sarmiento e o Sexto Edificio.
Entre as condicións incluídas neste prego encóntrase o nome do local, que se chamará 'Miliarium', "un nome acorde co espazo onde está", declarou o presidente provincial Rafael Louzán.
Preto de 50 restauradores mostráronse interesados nas instalacións e achegáronse a coñecelas durante as xornadas de portas abertas, nas que formularon suxestións e dúbidas como poder ampliar o espazo destinado a almacén ou as medidas de ámbito sanitario necesarias nos espazos con paredes antigas de pedra.
Agora os profesionais interesados terán 50 días para presentar as súas ofertas, cumprindo os prazos previstos que sitúan a apertura do negocio antes de final de ano.
Nas condicións esixidas ao adxudicatario tamén encóntrase a existencia dun canon anual á Deputación do 5% dos ingresos "nunca inferior a 10.000 euros por ano".
A concesión será de cinco anos prorrogables por outros cinco, pero coa esixencia de lograr o distintivo Q de calidade, pois no caso contrario o contrato podería romperse unilateralmente ao terceiro ano.
Esta claúsula débese, segundo Louzán, a que "búscase que o restaurante sexa acorde coa calidade do Museo".
Relacionadas:
-
Un gastrobar, barra de viños, tenda e aula-taller: Así será o novo restaurante de Pepe Vieira no Museo
Por Oskar Viéitez & Mónica Patxot |
-
Pepe Vieira xestionará o restaurante e a cafetería do Museo de Pontevedra
Por Redacción |
-
A Deputación anuncia a inmediata licitación da restauración das ruínas de San Domingos
Por Redacción |
-
Pepe Vieira e Eirado da Leña, aspirantes a asumir o restaurante do Sexto edificio do Museo
Por Redacción |
-
Alertan do risco de perda de fondos do Museo ao terse eliminado "todo atisbo de independencia"
Por Alejandro Espiño |
-
A cafetaría-restaurante do Museo abrirá "dentro deste ano 2014"
Por Diego Espiño |
-
A opinión das empresas será tida en conta antes da concesión do restaurante do Museo
Por Oskar Viéitez |
-
A cafetaría-restaurante do Museo xa esta lista para ser adxudicada
Por Oskar Viéitez |