Aberto o prazo para solicitar xantares particulares na Festa da Batalla
Por Redacción
O Concello de Ponte Caldelas manterá aberto ata o luns 18 de agosto (14:00 horas) o prazo para solicitar autorización para os xantares populares dentro da celebración da Festa da Batalla.
A recreación historica da Guerra da Independencia celebrarase este ano o domingo 24 de agosto, contando un ano máis con espazo para comidas a beiras do río Verdugo, na zona comprendida entre o balneario e a pasarela peonil de madeira.
Segundo establecen as bases da celebración, os postos que instalen os particulares deberán ser de madeira ou cubertos con tecidos rústicos, como por exemplo o liño ou tea de saco, e terán que usarse vaixelas de barro ou porcelana tradicional evitando os produtos de plástico. En canto ás mesas que pretendan facer lume deben facelo constar na solicitude e habilitar as medidas de seguridade necesarias.
Ademais os comensais deberán vestir traxe de época para respectar a ambientación do século XIX propia da Festa da Batalla, que cumpre este ano a súa sexta edición. Para facilitar este labor na páxina web do Concello (www.pontecaldelas.org) pódense obter patróns e modelos de traxes e vestidos de época.
Relacionadas:
-
Medio cento de artesáns participarán na Feira Antiga do Camiño dos Arrieiros
Por Redacción |
-
400 particulares solicitaron autorización para montar os seus "xantares" na Festa da Batalla de Ponte Caldelas
Por Redacción |
-
A Festa da Batalla e os Dolores, grandes citas festivas para o mes de agosto en Ponte Caldelas
Por Redacción |