Susto en Augusto García Sánchez polo incendio dun colchón nun baixo baleiro
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/2c6/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/53e8553574-img_9757.jpg)
CC BY-NC-SA PontevedraViva
![](/web/cache/scene/uploads/fotos/foto/b1e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/53e8557823-img_9759.jpg)
CC BY-NC-SA PontevedraViva
Os Bombeiros de Pontevedra tiveron que sufocar un conato de incendio declarado na rúa Augusto García Sánchez minutos antes das 21:00 horas do domingo.
O lume en cuestión iniciouse no colchón dunha persoa sen fogar dentro dun baixo, na citada rúa, que se encontra en estrutura dende hai anos e coa única protección dun valo de obra.
A rapidez na actuación dos bombeiros, acompañados por efectivos de Policía Local, Protección Civil e Policía Nacional que se achegaron ao lugar, evitou que se propagasen as chamas e se producisen danos no edificio. A pesar diso os veciños baixaron á rúa alarmados polo fume e o despregamento dos efectivos de emerxencia.
Non obstante, a pesar da escasa gravidade do suceso, os veciños mostraron as súas queixas ante a situación do baixo incendiado, en mal estado e usado habitualmente por persoas sen fogar.
Estes veciños aseguran ter trasladado hai pouco a súa inquietude ao Concello de Pontevedra a través dun escrito ao non ter logrado que o propietario axeitase o lugar.