Aparece o cadáver dun home entre as bateas no Grove
Por Redacción
O corpo sen vida dun home, veciño de Virxe das Mareas, aparecía entre as bateas do Grove durante a madrugada deste sábado 13, arredor das cinco da mañá, segundo os datos que manexa o Servizo de Emerxencias 112.
A vítima de 65 anos de idade era moi coñecido na zona e, segundo afirmaron fontes de Protección Civil, sufría problemas derivados do consumo de alcohol, que provocaron a actuación en diversas ocasións dos distintos equipos de emerxencia.
A Garda Civil está a levar a cabo a investigación, segundo informou a Policía Local. O home desparecera do seu domicilio hai dous días pero non se puxera en marcha un operativo para intentar localizalo.