![](/web/cache/scene/uploads/fotos/foto/09c/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5430102156-img_2425.jpg)
© Protección Civil de Caldas de Reis
Un turismo leva por diante catro metros do muro da igrexa de Santa María de Caldas
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/b5b/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5430107946-img_2426.jpg)
© Protección Civil de Caldas de Reis
O condutor dun turismo resultou ferido e necesitou asistencia sanitaria na madrugada deste sábado tras verse implicado nun accidente de circulación en Caldas de Reis. Por motivos que se descoñecen, colisionou contra o muro anexo á igrexa de Santa María.
Segundo informou Protección Civil de Caldas de Reis, o accidente produciuse uns minutos antes da media noite do venres ao sábado e obrigou á intervención de varios voluntarios da agrupación e de axentes da Policía Local e a Garda Civil da localidade. Os voluntarios caldenses se encargarn da limpeza da calzada.
O sinistro produciuse na estrada N-550, a poucos metros do cuartel da Garda Civil. O vehículo implicado foi un turismo marca Kia que circulaba en dirección a Pontevedra e xiraba á dereita para incorporarse á avenida Doña Urraca cando, por motivos que non se aclarou, saíu da vía e chocou co muro da igrexa.
A consecuecia da colisión, botou abaixo uns catro metros de muro. Ademais, o condutor e sufriu feridas e foi atendido no propio lugar do accidente por persoal do Punto de Atención Continuada (PAC) de Caldas. A continuación, foi trasladado por unha ambulancia de Protección Civil de Vilagarcía a un centro sanitario. Estivo consciente en todo momento.