Case 60 vendedores participarán no tradicional mercado de flores de Todos os Santos
Por Redacción
Case 60 vendedores participarán no tradicional mercado de flores que, como ven sendo habitual, celebrarase na Praza da Ferrería con motivo da festividade de Todos os Santos.
Os postos estarán abertos os vindeiros días 31 de outubro e 1 de novembro.
Desde a concellaría de Promoción Económica, Emprego e Turismo informan que o acceso dos vendedores para a montaxe dos postos será desde as 02.00 horas ata as 10.00 horas, tanto o venres como o sábado.
Terán que realizar a súa entrada pola rotonda da Ponte de Santiago con Avenida Bos Aires dirección Ponte dos Tirantes, Padre Gaite, Santa Clara, rúa Sarmiento, Pasantería, Odriozola e Praza da Ferrería, saíndo por Porta de Trabancas, Praza de Ourense e Cobian Roffignac.