Touradas Fóra de Pontevedra denuncia a retirada das súas pancartas reivindicativas
Por Redacción
A plataforma cidadá Touradas Fóra de Pontevedra retomou a campaña para reiterar a necesidade de que o Concello de Pontevedra finalice o contrato polo que achega 47.000 euros anuais á empresa propietaria da praza de touros de Pontevedra. A campaña consiste na instalación de pancartas nas pontes da cidade que o colectivo denuncia que foron retiradas indiscriminadamente sen permanecer instaladas máis de dous días. As pancartas foran colocadas na ponte da Barca, na ponte de Santiago, no Burgo e na avenida de Vigo.
O colectivo continúa sinalando que o contrato do Concello coa empresa facilita o mantemento da programación taurina na cidade. E sinalan que o alcalde Miguel Anxo Fernández Lores ten que implicarse na desaparición das corridas de touros na cidade, tal e como se comprometía no seu programa electoral, segundo indica o colectivo.
Touradas Fóra de Pontevedra considera que o goberno municipal debería pasar pola supresión do contrato establecido coa empresa para que no recinto se desenvolva o espectáculo ecuestre na Feira Franca, albergar cabalos dos peregrinos e recoller os animais despois da celebración da cabalgata de Reis.
Reclaman, ademais, que se elimine a propaganda taurina nos espazos públicos e que se realice unha declaración pública de Pontevedra como cidade antitaurina e amiga dos animais.
Relacionadas:
-
Moreira aposta por "potenciar más" as touradas
Por Natalia Puga |
-
Touradas fóra de Pontevedra pedirá aos candidatos a erradicación das corridas e a prohibición dos circos de animais
Por Redacción |
-
AGE esixe retirar as excepcións das touradas e do tiro ao pombiño da Lei de Protección de Animais
Por Redacción |
-
A recollida de sinaturas para pedir a supresión do convenio municipal coa Praza de Touros bate marcas
Por Redacción |
-
Touradas fóra de Pontevedra inicia unha campaña contra o convenio entre Concello e Praza de Touros
Por Diego Espiño |