O bo tempo dispara as previsións máis optimistas de Pontedetapas
Miles de persoas participaron, durante os primeiros catro días, na sétima edición do certame gastronómico Pontedetapas. Sen dúbida, o bo tempo que nos acompañou esta fin de semana animou pontevedreses e turistas a degustar algunha das propostas que ofrecen os 45 locais de hostalaría da cidade que participan no concurso.
A oferta gastronómica, que pode consultarse no sitio www.pontedetapas.eu, inclúe 30 tapas de cociña creativa, 16 tapas tradicionais e 12 cócteles. Algúns dos establecementos participantes ofrecen varias destas modalidades, e mesmo algúns, as tres.
Os prezos mantéñense invariables con respecto a outras edicións. Son de 1,50 euros para as tapas e de 2,50 euros para os cócteles.
O público que deguste as tapas volve ter á súa disposición as papeletas de votación para seleccionar ao local gañador da votación popular. Entre todos os votos se sortearán os habituais premios: un primeiro consistente nunha viaxe dunha fin de semana para dúas persoas a unha capital europea e varios vales de compra no comercio local e na Praza de Abastos.
Ademais, este luns comezaron a visitar Pontevedra artistas, representantes de medios de comunicación, blogs e perfís en Internet para valorar as tapas a concurso. Os primeiros en facelo foron as actrices Mayka Braña, María Costas e Beatriz Campos, o xornalista Nico Campos e José Manuel García, director do programa Come e Fala de Radio Galega.
Relacionadas:
-
Cáncamo Mariscos, El Cafetín e Café Central, gañadores da final de PontedeTapas 2014
Por Alejandro Espiño & Mónica Patxot |
-
Os locais de PontedeTapas levan xa máis de 12.000 tapas e cócteles vendidos
Por Redacción |
-
Pontevedra, capital mundial del tapeo
Por Redacción |
-
PontedeTapas bota a andar este venres en 45 locais de hostalería
Por Redacción |