Feridas dúas mulleres nun choque frontal entre dous vehículos en Vilaboa
Por Diego Torrado
O cruzamento de Merkamueble, entre as estradas N-550 e N-554 en Vilaboa, volveu ser protagonista doutro violento accidente.
Segundo informaron dende o Centro de Atención de Emerxencias Galicia 112, o suceso tivo lugar ás 21.00 horas deste sábado e consistiu nunha colisión frontal entre dous vehículos.
Como consecuencia do sinistro dúas mulleres resultaron feridas con carácter leve, sendo trasladadas a un hospital de Pontevedra.
Axentes da Garda Civil de Tráfico tiveron que controlar a circulación na zona xa que o accidente ocasionou algunhas retencións.
Na atención ás dúas mulleres feridas participou tamén Protección Civil de Vilaboa.