Cerponzóns pecha bailando tres días de festas patronais
Por Diego Torrado
A parroquia pontevedresa de San Vicente de Cerponzóns pechou este domingo a celebración das súas festas patronais, logo dos actos relixiosos e lúdicos das dúas xornadas anteriores, venres e sábado.
Trala tradicional misa solemne, cantada polo coro parroquial, tivo lugar a procesión, co acompañamento da Banda de Música de Pontevedra.
Foron tres días de boa verbena con grandes formacións. Comezou o venres con América SL e a nova orquestra Essencia de Jorge Menendez (ex Jerusalén). O sábado houbo baile en estado puro con dous orquestras de renome: Magos de España e Charleston Big Band de Padrón.
Pecharon as festas a orquestra Xacobeo e a atracción Marieta.