A Avenida de Ourense acollerá o colector xeral de saneamento de Marín
Por Redacción
O goberno local de Marín a través da comisión informativa ordinaria de Medio Ambiente e Benestar social rexeitou a proposta do BNG de instalar dentro do recinto portuario o colector xeral de saneamento que Augas de Galicia ten proxectado realizar en Marín.
O colector instalarase, como inicialmente estaba previsto, na Avenida de Ourense baixo terra cunha caseta de pequenas dimensións (8,40x5,30) en superficie e cun rematado de madeira. Está prevista a modificación do aparcadoiro actual en batería por un aparcadoiro en liña cun incremento da superficie do paseo e de beirarrúa en 100 metros cadrados que, descontando a superficie de caseta o incremento neto de superficie, sería de 60 metros cadrados.
Rexéitase a instalación dentro do recinto portuario que propón o BNG porque esa opción xa fora estudada e foi descartada pola Autoridade Portuaria ao entender que afectarían ás operacións do porto e só admite a autorización da localización fóra do recinto pechado, no paseo da Avenida de Ourense, ante o enreixado das instalacións.
A obra que acometerá Augas de Galicia realizaríase ao longo do presente ano e construiríase un colector-interceptor principal, un bombeo con depósito de retención, un colector de conexión ao porto, outro colector de alivio, ademais da impulsión cunha condución con maior capacidade cara á estación depuradora dos Praceres.
Relacionadas:
-
O BNG leva a Europa o proxecto do colector de Marín
Por Redacción |
-
Substitúen os bombeos do río Loira polos seus constantes fallos
Por Redacción |
-
O BNG alega ao proxecto do novo colector para que non afecte ao paseo da Avenida de Ourense
Por Redacción |
-
O BNG denuncia que o novo colector xeral de Marín arrasará con 53 árbores
Por Redacción |