Un falcón salvaxe caza dende hai un ano as pombas da Ferrería
Por Oskar Viéitez
Dende hai máis dun ano un falcón acode con frecuencia á praza da Ferrería para cazar, segundo informaron dende a empresa Lanus Control.
Esta ave de presa converteuse nun aliado do Concello de Pontevedra nos seus plans para controlar as poboacións de pombas e gaivotas existente na cidade e que xeran numerosas molestias entre os veciños.
Segundo explicou o concelleiro de Sanidade Animal, Miguel Filgueira, a principal queixa é dos hostaleiros polo estrago que estas aves causan á vaixela nas terrazas, seguido dos danos que xeran nos tellados das casas, atascando caneiros ou movendo tellas.
A partir do próximo mes de maio esta concellaría iniciará unha nova campaña de control das poboacións de gaivotas e pombas na zona urbana, para o que dous traballadores da empresa Larus Control, coa supervisión da Consellería de Medio Ambiente, retirarán os ovos dos niños das gaivotas dos tellados e capturará exemplares de pombas a través de gaiolas.
No caso das pombas, actuarase na praza da Ferrería e praza de España. Só na Ferrería contabilizáronse unhas 400 pombas. O obxectivo é reducir entre un 30 e un 40% a poboación destes animais.
En canto ás gaivotas, actuarase nos tellados das vivendas nas que se localizaron os niños o ano pasado. Os veciños interesados en que acudan ás súas vivendas para retirar niños de gaivotas poden chamar ao teléfono 654 831 848 para que acudan estes especialistas.
Relacionadas:
-
En marcha a campaña de control da poboación de gaivotas e pombas na cidade
Por Redacción |
-
A campaña de control de gaivotas elimina 90 niños e recolle 220 ovos
Por Oskar Viéitez |
-
A campaña marinense contra as gaivotas leva retirados 42 ovos e 26 niños
Por Oskar Viéitez |
-
Marín declara a guerra á superpoboación de gaivotas e pombas
Por Diego Espiño |
-
"Se non queremos que haxa gaivotas que nos molesten, mellor que non haxa fontes de alimentación próximas"
Por Redacción |
-
Retiran 117 niños e 123 polos de gaivotas dos tellados da cidade para controlar a superpoboación
Por Natalia Puga |
-
Pombas, gaivotas e musgos, principais causas da deterioración das ruínas de San Domingos
Por Oskar Viéitez |
-
Aquí non hai quen viva
Por Oskar Viéitez |