Un xurado popular xulgará este mes ao suposto asasino e violador de Isabel Pérez
Por Oskar Viéitez
A Sección Segunda da Audiencia Provincial de Pontevedra sinalou a partir do próximo luns 11 de maio o xuízo por un crime da marinense Isabel Pérez Fraga, acontecido o 26 de decembro do ano 2013.
A Fiscalía e o avogado da Xunta de Galicia pedirán ao xurado popular que condene á pena máxima, a 35 anos de prisión, a Miguel Sanmartín Argibay acusado dun delito de asasinato e outro de violación. Polo primeiro delito reclaman 20 anos e 15 polo segundo.
Miguel Sanmartín, veciño de Marín de 41 anos de idade, era compañeiro sentimental da vítima e ao ser detido recoñeceu ante a Policía Nacional, ser o autor da morte da muller de 45 anos no domicilio onde residía na rúa Alcalde José del Río. Non obstante, o detido na súa comparecencia nos Xulgados negou que lle tería causado a morte á súa compañeira.
O acusado xa estivera en prisión por un delito de agresión sexual e ameazas cunha anterior parella. Tras a súa saída do cárcere, tamén fora detido por un delito de violencia doméstica por agresións a dous dos seus familiares.
Relacionadas:
-
Rebaixan de 35 a 18 anos a pena solicitada para o autor confeso do crime machista de Marín
Por Natalia Puga |
-
Destacan a crueldade do crime de Marín: "Es imposible contar los golpes, hay muchos y violentos"
Por Natalia Puga & Mónica Patxot |
-
Concentración en Marín en repulsa polo último crime de violencia machista
Por Redacción |
-
Ingresa en prisión o presunto autor do crime da súa parella en Marín, acusado de homicidio
Por Redacción |